20 October 2017|   शुक्रबार, कार्तिक ३, २०७४

क्रिसमस बिदा बारे क्याबिनेटमा प्रश्न उठ्यो

पृथ्वी जयन्ती पनि मनाउन माग

        ई-खबर अनलाइन   |   प्रकाशित मितिः शुक्रबार, पुस १५, २०७३     6:39:29 AM  | 88 पटक पढिएको   |  

काठमाडाैंः क्रिसमस पर्वको अवसरमा दिइएको सार्वजनिक विदालाई लिएर मन्त्रिपरिषद् बैठकमा प्रश्न उठेको छ । साथै पृथ्वी जयन्तीमा विदा दिन माग भएको छ ।

परराष्ट्रमन्त्री प्रकाशशरण महतले डेलिगेशन आएकै भरमा विदा दिएको भन्दै असन्तुष्टि जनाएका हुन् । यसले राज्य कति कमजोर रहेछ भन्ने उजागर गरेको उनले बताए ।

यो वर्ष क्रिसमसमा इशाई धर्मावलम्बीलाई मात्र विदा दिने निर्णय थियो । तर, गृहमन्त्री विमलेन्द्र निधिले अघिल्लो दिन साँझ अबेर मात्र मन्त्रीस्तरीय निर्णयबाट सार्वजनिक विदा दिने घोषणा गरे ।

लगत्तै ऊर्जामन्त्री जनार्दन शर्मा प्रभाकरले भने सार्वजनिक विदा धेरै भएको भन्दै पुनरावलोकन गर्नुपर्ने बताए ।

बैठकमा मुख्य सचिव सोमलाल सुवेदीले गत वर्ष पनि पृथ्वी जयन्तीमा विदा दिने कुरा उठे पनि अन्तिममा निर्णय नभएको र विदा पुनरावलोकनको कुरा उठेको सुनाए ।

शहरी विकासमन्त्री अर्जुनरसिंह केसीले भने पुस २७ मा पृथ्वी जयन्तीको अवसरमा विदा दिन माग गरे । उनले नेपाल एकीकरण गर्ने पृथ्वी नारायणलाई सम्मान गर्नुपर्नेमा जोड दिए ।

जवाफमा प्रधानमन्त्री प्रचण्डले यसप्रति आफू सकारात्मक रहेको बताए । अफूहरुले पनि कविला राज्यहरुलाई एकीकरण गरेकोलाई ऐतिहासिक नै मानेको भन्दै उनले सार्वजनिक विदा दिन आफू सकारात्मक भएको बताएको एक मन्त्रीले जानकारी दिए ।

तर, यो विषय राजनीतिक पनि भएको भन्दै उनले यसबारे छलफलका लागि समय माग गरेका छन् ।

साभारः अनलाइन खबर

Leave a comment

Your email address will not be published.


*